Akher Fatra

ما تدورش على الراحة وأنت في سن سعي

اللي بيعوز الراحة هو أكتر انسان بيتعب (حقيقي)

عارف إني كبرت وقشطة زاد الوعي

مش هيجليك جن سحري من المصباح بعد أما تدعك

ومش هتوصل بكرة فطول بالك حبة

محدش فينا طايق حد، كـ- المحبة

بجري مني إكمني في السيجارة بستخبى

هلف جوب لنفسي عشان جوبك أنت متبغ (وحش)

عمال بتكعبل وأنفض لبسي وأقوم مفيش حاجة

قاعد مع حالي بسأل نفسي هل وصلنا لحاجة؟

لازم تحتاج فتبدع أم الإختراع الحاجة

وما تتعبش اعصابك لتدور على علاجك

عندي حلم وحمل تقيل

لو فيه بيننا عيش وملح مش بشيل

زعلان خسرت ناس كتير

كنت فاكر يونيو أخويا، طلعت دي كدبة أبريل

وكنت فاكر إن الدنيا لما تضحكلي مش هتكشرلي تاني (بررر)

ما كانش في بالي خالص إني هوصل بالأغاني

مكانش دوه حالي بس كرم ربك بحره عالي عداني وعلاني

آه والدنيا هتوسخك كده كده لا محالة

والحمل تقل حد معاك وشايل؟ لا مع حالك

كنتي فرحي، كنتي حزني، كنتي كل حاجة

هل هتحس بإيه لو حد دلوقتي جيه بدالك

(آه) والوحدة مش سايبني في حالي

واقف قدام مرايتي وبسأل نفسي مالي

ممشي حالي بالأغاني

ما بقيتش عارف فين يميني من شمالي

وسايب كله على الله، على الله

لو نصيبي فا هتيجي وعلى الله

لو ربك كاتبلك توصل فا هتوصل

لما تكمل وتتوكل على الله (على الله)

الجو البرد بس الجو في قلبك أبرد

لو جيت في حضنك مش لابس الجاكت هبرد

ليه اختفيتي؟ ما قولتش أبراكادبرا

صوتي حلو كده كده حتى لو غيرت النبرة

وأنا حابب نفسي آخر فترة وحابب إني حابب نفسي آخر فترة

عشان قبل آخر فترة كان بقالي فترة مش بكلم نفسي فترة

بس فترة وعدت فترة وانسى وابقى نسيت دي أنهي فترة

والدنيا فترات، فقرات، والسين، والصاد

والدنيا أضرار، أسرار، والدين، وأقساط

الدنيا فاكرين أشرار، ناسيين أبطال

لافين ماشين ومش عارفين مسار

ساعد أنت كام واحد بإيده مد ساعدك

كام واحد مديت له إيدك أنت وشد ساعتك

سهل يبدلوك وسهل يجي حد بعدك

ما توعدش بحاجة لو مش هتكون قد وعدك (بررر)

(آه) والوحدة مش سايبني في حالي

واقف قدام مرايتي وبسأل نفسي مالي

ممشي حالي بالأغاني

ما بقيتش عارف فين يميني من شمالي

وسايب كله على الله، على الله

لو نصيبي فا هتيجي وعلى الله

لو ربك كاتبلك توصل فا هتوصل

لما تكمل وتتوكل على الله